Qindra hebrenj fanatikë të shoqëruar nga policia izraelite hynë në oborrin e kompleksit të shenjtë Mesxhid Al-Aksa në Qytetin e Vjetër të Kudsit Lindor të pushtuar, transmeton Anadolu Agency (AA).
Në një deklaratë me shkrim nga Administrata e Vakëfe Islame të Kudsit thuhet se 651 hebrenj fanatikë ia mësynë drejt Al-Aksasë përmes Portës Al-Magaribe në jugperëndim të kompleksit.
Grupi hebre, nën mbrojtjen e policisë izraelite, u largua nga Mesxhid al-Aksa pasi u end në oborret e Haram Al-Sharifit.
Hyrjet në Aksa, të cilës hebrenjtë fanatikë i referohen si “Mali i Tempullit”, pritet të vazhdojnë tutje në vijim, me rastin e festës hebreje Sukot, e cila filloi më 20 shtator dhe do të zgjasë deri më 27 shtator.
Vizitat e tilla në Al-Aksa nga hebrenjtë fanatikë bëjnë që tensionet në zonë të përshkallëzohen.
Sipas marrëveshjes së paqes të nënshkruar midis Izraelit dhe Jordanisë më 26 tetor 1994, Mesxhid al-Aksa është nën kujdesin e Administratës së Vakëfeve Islame të Kudsit, e cila është e lidhur me Ministrinë jordaneze të Vakëfeve, Çështjeve Islame dhe Shenjtërisë.
Megjithatë, që nga viti 2003, pa lejen e Administratës, hebrenjtë kanë hyrë në faltoren e shenjtë me vendimin e njëanshëm të Izraelit, të shoqëruar nga policia.
Duke i përshkruar këto vizita si bastisje, Administrata e Vakëfeve Islame të Kudsit deklaron se në këtë mënyrë shkelet sovraniteti i muslimanëve.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite